မြန်မာနိုင်ငံတွင် ထူးချွန်သော ဂေါက်သီးအားကစားသမားများပေါ်ထွက်လာစေရေးအတွက် မြန်မာ့ရှေ့ဆောင်ဘဏ်မှ အဓိက ကူညီပံ့ပိုးသော မြန်မာပြည်တွင်း ပတ်လည် ဂေါက်သီးရိုက်ပြိုင်ပွဲ ဆဋ္ဌမပွဲစဉ်၏ ဖွင့်ပွဲအခမ်းအနားကို အောက်တိုဘာ (၈) ရက်နံနက်ပိုင်း တွင်တောင်ကြီးမြို့ရှိ အေးသာယာဂေါက်ကွင်း၌ကျင်းပသည်။

 ရှေးဦးစွာ ပြိုင်ပွဲဝင်ဂေါက်သီးရိုက် အားကစားသမားများသည် သတ်မှတ်ထားသည့် အမှတ်(၁) တီခုံ၌ နေရာယူကြပြီး အရှေ့ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်အေးဝင်း၊ မြန်မာ့ရှေ့ဆောင်ဘဏ် Deputy General Manager ဦးမျိုးသက်နိုင်၊ မြန်မာနိုင်ငံဂေါက်သီးအဖွဲ့ချုပ်နှင့်မြန်မာပီဂျီအေဥက္ကဋ္ဌ ဦးကိုကိုအေးတို့မှအလှည့်ကျ ဂေါက်သီးရိုက်၍ ပြိုင်ပွဲအား ဖွင့်လှစ်ပေးကာ ပထမနေ့ (၁၈)ကျင်းပြိုင်ပွဲကို စတင်ကျင်းပသည်။

ပြိုင်ပွဲတွင် Professional အဆင့် (၃၀)ဦး၊ အပျော်တမ်းအဆင့် အမျိုးသား (၁၀၁)ဦး၊ အပျော်တမ်းအဆင့် အမျိုးသမီး (၂၄)ဦး၊ စုစုပေါင်းအားကစားသမား (၁၅၅)ဦးဝင်ရောက်ယှဉ်ပြိုင်ကြသည်။